تفاصيل المنتج

متى آخر مره قلتي لـ زوجك "أحبك" بطريقة جديدة ما تخطر على باله؟ كيف ممكن تكوني أنثى بكامل أحاسيسك وتسمحي لـ زوجك يذوب فيك؟ هل حاسه إنه في مسافة مزعجة بينك وبينه وصار صعب عليك تجاوزها؟ يا ترى لو عشتي معه الانسجام وصارت علاقتكم دافيه لأبعد حد كيف راح يكون شعورك؟ صممت هذا البوكس حتى أساعد كل زوجين يهربوا من زحمة الحياة والمسؤوليات ويغوصوا مع بعض في أعماق بحر الحُب اللي بينهم .. الأسئلة تفتح باب الحوار وقبلها تفتح باب القلب، مكتوبة بطريقة تساعد كل واحد من الزوجين يعبر عن اللي بداخله بكل أريحية .. ويش أحلى من إنه زوجك يكون صندوقك السري وزوجتك تكون مخبأ أسرارك؟ ما أظن في شعور ألذ من كذا .. أما رسائل الحُب الـ ٢٠ فـ كتبتها من أعمق نقطة بقلبي وأنا متزوجه وأعرف تماماً ويش يعني إنه الرجُل يحتاج يشعر بالتقدير وويش يعني إنه المرأة تحس بالأمان مع زوجها .. الرسائل بمثابة جرعات من الحُب تقدري تتبادليها معه في أوقات متفرقه، في أوقات انتي بذكائك الأنثوي تقدري تعرفي أي رسالة زوجك محتاج توصله منك اليوم؟ ويا سلام لو خليتيها عادة وسجلتي له الكلمات بـ صوتك وهو بعيد عنك أياً كان مشواره، صدقيني راح يرجع لك لهفته بقلبه ولمعة الحُب والامتنان بعيونه. وفي بعد بالبوكس ورقة نوايا أنا شخصياً شفت بركة النوايا بزواجي الحمدلله وحبيت إنك تستفيدي كذلك، النوايا مثل البذرة اللي تخبيها بالأرض ومع الوقت تلاقي نفسك عايشه تحت ظل شجره وارفه تظللك بالحب والسعادة. أما النوته الفاضيه فـ استخدميها بالطريقة اللي تشبهكم، ممكن تحطيها في مكان بارز بالغرفة وبين الوقت والثاني كل واحد يكتب للثاني رسالة، كلمة، عتب، اعتذار، اشتياق، أي شي يخطر بالقلب .. إذا حاسه إنه شجرة الحب اللي بينكم محتاجه ماي يرويها فـ هذا البوكس صار وقته تستخدميه الحين، ضيفيه للسلة وبشريني بالمشاعر الحلوة اللي عشتوها معه 🥹💗